अपरहरण र निष्काशन पछिको धर्मेन्द्रको बाटो

Dharmendra Karna

नेपाल वानका पूर्व न्युज धर्मेन्द्र कर्ण अपहरण पछि नेपाल वानबाट निष्काशित भएपछि न्याय पाउन भौंतारिरहेका छन् । अपहरण पछि मानसिक रुपमा त्रसित भएका धर्मेन्द्र कर्ण नेपाल वानबाट पाउनु पर्ने बांकी बक्यौता रकम समेत पाउन सकेका छैनन् । अपहरण पछि धर्मेन्द्र कर्ण नेपाल वान अफिस गएका थिए । तर उनलाई गेटमै सेक्युरिटीले रोकेको थियो । रिसेप्सनभन्दा अगाडिसमेत जान दिइएन उनलाई – प्रत्यक्षदर्शी एक कर्मचारीले भने । अनिल कर्ण, अनन्त अनुरागहरु धर्मेन्द्र नेपाल वान नफर्किउन भन्ने चाहन्छन् । क्रान्तिकारी स्वभावका धर्मेन्द्र, अनिल र अनुरागका लागि मुखमा ढुंगा परेजस्तो भएका थिए ।

हुन त धर्मेन्द्र कर्णलाई अपहरण, निष्काशित हुनु अघि नै थाहा थियो कि ममाथि षडयन्त्र हुंदैछ । तर पनि उनी के हुन्छ हेरौं न भन्ने मनस्थिति बनाएका थिए । अपहरणमा पछि काठमाडौं फर्किदा उनलाई भलाकुसारी गर्न नेपालवानका कुनै कर्मचारी र पत्रकार पुगेनन् । यद्यपि दिल्लीमा नलिनीले धर्मेन्द्र कर्णको रिहाइका लागि मैनबत्ती बालेर कर्मचारीलाई अफिसमै नाटक गर्न लगाएकी थिइन् । नलिनीमाथि नै अपहरणको आरोप लागि।रहंदा उनले यस्तो नाटक रचेकी थिइन् । दिल्लीमा रिहाइको मागमा नाटक गराउने नलिनीका कुनै स्टाफ धर्मेन्द्रलाई भेटेर हालचाल सम्म सोध्न उचित ठानेनन् । बधुवाजस्तै कार्यरत कर्मचारीले धर्मेन्द्रसंग नजिकिदा बुढीको लात्ती नै खानु पर्ने हो कि भन्ने त्रासमा थिए । जागिर नै जाला भन्ने डरले धर्मेन्द्रलाई भेटन त के फोनसम्म नगरेको नेपालवानमा कार्यरत एक कर्मचारीले बताए ।
नेपाल पत्रकार महासंघ केन्द्रिय कार्यसमितिमा सदस्य धर्मेन्द्र कर्ण पत्रकारको हकहितको आवाज उठाउने संस्थासंग आबद्ध भइसक्दा आफ्नै अधिकार खोज्दै हिडेका छन् । आफूलाई किन हटाइयो उनी यही थाहा पाउन सकेका छैनन् । धर्मेन्द्र कर्णसंग नेपालवानको नियुक्ति पनि छैन । जसले गर्दा उनी कानुनी रुपमा समेत कमजोर भएका छन् । भारतीय दलाल नेपाल वान टेलिभिजनको रणनीति नै छ । नियुक्ति नै नदिने । दिए पनि राजीनामा पहिल्यै माग्ने । यसले गर्दा धर्मेन्द्र कर्णजस्ता श्रमजीवी कुनैपनि बेला आउट गर्न सक्छिन् नेपाल वानकी नलिनी । श्रमजीवीको चरम शोषण हुने नेपाल वानमा जो कोहीलाई जुनबेला पनि नलिनीले गेट आउट गर्न सक्छिन् । धर्मेन्द्र कर्णको घटना एउटा उदाहरण मात्र हो ।
नेपाल वान काठमाडौंका तत्कालीन प्रमुख अजय ठाकुरबाट नियक्ति पाएका थिए धर्मेन्द्रले । पछि त्यो नियुक्ति पत्र नवीकरण गरिएन । जसले गर्दा कानुनी रुपमा उनी आधार विहीन भएका छन् ।

पछुताउंदै धर्मेन्द्र
एकीकृत नेकपा माओवादीका बरिष्ठ नेताहरुको निर्देशनमा सचालित एबीसी टेलिभिजनमा कार्यरत रहेको अबस्थामा धर्मेन्द्र कर्ण नेपाल वान छिरेका थिए । अनिल कर्णले उनलाई नेपाल वान छिर्नमा सघाएका थिए । तर पछि अनिल कर्ण र धर्मेन्द्र कर्णबीच पानी बराबरको स्थिति आएको थियो । एकीकृत नेकपा माओवादीको भातृ संगठन क्रान्तिकारी पत्रकार संघमा आबद्ध धर्मेन्द्र एचबीसी एफ.एममा हडताल गराउने प्रमुख योजनाकार थिए । तर नेपालवानमा न्युजचिफबाट हटाइदा पनि उनी किन चुपचाप बसेका छन् त्यो रहस्य बनेको छ । संस्थागत रुपमै धर्मेन्द्र कर्णले नेपाल वानमाथि प्रहार गर्ने योजना बनाएका छन् । धर्मेन्द्रले नेपाल वानको आधिकारिताको मुद्दा उठाउने भएका छन् । अनधिकृत रुपमा नेपालमा संचालित रहेको नेपाल वानमाथि उनी कति भारी पर्छन् त्यो हेर्न बांकी छ ।