Sanghu saptahaik ko news
काठमाडौं। नेपालमा बिनाअनुमति व्यूरो कार्यालय राखेर नेपाल र नेपाली विरुद्ध समाचार उत्पादन गर्दै भारतबाट प्रसारण गरिरहेको विवादस्पद नेपाल वान च्यानलका नेपाल प्रमुखले एक नेपाली चेलीमाथि यौनदुर्व्यवहार गरेको खुलासा भएको छ। नेपाल वान च्यानलका व्यूरो प्रमुख सुन्दरसिंह विधुरी विरुद्ध महानगरीय प्रहरी आयुक्तको कार्यालय रानीपोखरीमा यौन दुर्व्यवहार सम्बन्धी उजुरी परेपछि अवैध रुपमा न्ेपालबाट चलिरहेको नेपाल वान च्यानल फेरि विवादमा आएको छ। ५ वर्षअघि त्यहाँ कार्यरत पत्रकारहरूले आन्दोलन गरेर छाडेपछि यो च्यानलको अस्तित्व नेपालमा खासै छैन। तर पनि नेपालबाट बिभिन्न पत्रकारहरूलाई भाडामा लिएर च्यानलले समाचार उत्पादनको काम गर्दै आएको छ। त्यस च्यानलमा काम गर्ने महिलाहरूमाथि बिभिन्न समयमा यौनहिंसा हुने गरेको गुनासो आए पनि उजुरी नै परेको भने पहिलेा पटक हो। सोही च्यानलमा कार्यरत भोजपुरी कार्यक्रम संचालिका रेणुका कँडेलले सुन्दरबाट आफू शोषित भएको भन्दै उजुरी दिएकी हुन्। अविवाहित अवस्थामै नेपाल वान छिरेकी रेणुकाले सुन्दरले यौनजन्य हिंसा गर्दै आएकोमा बिहे गरेपछि जागिरबाटै निकाल्नेसम्मको काम गर्न खोजेपछि मात्र यो घटना बाहिर आएको छ। सुन्दरले यसअघि धेरै केटीहरूलाई एंकर बनाइदिने र भोजपुरी फिल्ममा खेलाउने आश्वासन दिंदै यौनशोषण गरेको आरोपसमेत लागेको छ। रेणुकाले आफूमाथि भएको दुर्व्यवहार गरेको उजुरी उनकै भाषामा प्रस्तुत गरिएको छ। ‘म विगत चार बर्षदेखि नेपाल वान टेलिभिजनमा भोजपुरी कार्यक्रमको सञ्चालकको रुपमा कार्यरत रहँदै आएकी छु। संस्थामा काम गर्दा म अविवाहित थिएँ। संस्थामा भारतस्थित हेडअफिसबाट नेपालचीफको रुपमा पठाइएका सुन्दरसिंह विधुरीले मलाई फेसबुकबाट अप्रत्यक्षरुपमा द्विअर्थी र मौखिकरुपमा भद्दा कुराहरू गर्नेगरेका थिए। म बस्ने कोठामा एक्लै भएको बेलामा आएर टाँसिन खोज्ने र अश्लील कुराहरू गर्न खोज्ने गरेका थिए। दिल्लीस्थित नेपाल वानको कार्यायमा परिचर रहेका उनले काठमाडौंस्थित स्टुडियोमा सुटिङ गरिरहेको बेला अभद्र मजाक गर्ने र परोक्षरुपमा आमन्त्रित गर्ने कामहरू गर्नेगरेका थिए। यस विषयमा मैले सुन्दरसिंहलाई पटकपटक चेतावनी दिए। कहिलेकाहीँ सामान्य लेखपढ गर्न जान्ने विधुरीलाई प्रशासन र टेलिभिजनका बारेमा ज्ञान नभएको र छुद्र सँस्कारका कारण यस्तो गर्नेगरेको र समयसँगै सबैथोक ठीक हुने विश्वासमा चुप लागे। संस्थामा कार्यरत्त सहकर्मीहरूसँग गुनासो गर्दा उनीहरूले पनि आफूहरूले विरोध गरे पहिला धेरै साथीहरूलाई निकालिएझैं आफूलाई निकाल्ने भन्दै चुप लाग्न सल्लाह दिए। पछि म विवाहित भएपछि सुन्दर सिंहले मलाई मानसिकरुपमा प्रताडित गर्न नानाथरीका उपायहरू अपनाउन थाले। उनले मलाई पटकपटक लोग्नेसँगको सम्बन्धबारे चासो लिने, सुटिङ नगराउने र सुटिङको मिति सारेर तलब कट्टा गर्ने र सुटिङ भइरहेको बेला नै रोक्न लगाउने आदिजस्ता यातनादायक कामहरू गरिरहे। नेपाल वान टेलिभिजनका प्रमुख हुँ भन्दै रातारात स्टार बनाइदिने प्रलोभन दिँदै नयाँ नयाँ चेलीहरूलाई यौन शोषण गर्ने सुन्दर सिंहले मबाट उनको अपेक्षा पूरा नभएपछि गत एक वर्षदेखि कुनै न कुनै निहुँमा मलाई निकाल्ने प्रयत्न गरिरहे। तर म मेरो क्षमता र मिहिनेतले प्रतिकूल अवस्थामा पनि राम्रो गरिरहेकीले तत्काल मलाई निकाल्न उनको लागि सम्भव थिएन। यसबीचमा भोजपुरी चलचित्रकी एउटी संघर्ष गरिरहेकी अभिनेत्रीसँग उनको अवैध साँठगाँठ भएपछि उनलाई नै मेरो ठाउँमा ल्याउने प्रपञ्च गरेर मलाई निकाल्न नेपाल वानको दिल्ली व्यवस्थापनसँग झूटा कुरा लगाएर मलाई विस्थापित गर्न खोजेका छन्। आज म ती सबै विषयमा कुरा गर्न नेपाल वानको तीनकुनेस्थित कार्यालयमा जाँदा सुन्दरसिंह विधुरी र उनका संरक्षक रहँदैआएका क्यामरापर्सन विराज श्रेष्ठले जथानाम गालीगलौज गरेर हातपातसमेत गरेका छन्। सुन्दर सिंंहले मलाई गाली गरिरहँदा मैले उनलाई केही वर्षअघि सुन्धारा क्षेत्रबाट वेश्याबृत्ति गर्दै प्रहरीले पक्राउ गरेको र नयाँ नयाँ चेलीहरूलाई सपना देखाएर अस्मिता लुटने गरेको बताएपछि मात्र उनी चुप लागेका थिए। सुन्दर सिंहसँग मिलेर संस्थाको रकम खाने विराज श्रेष्ठले नूनको सोझो गर्न र आफ्नो हैकम देखाउन ममाथि हात उज्याएका हुन्। यी सम्पूर्ण घटनाक्रमहरूपछि मलाई कार्यालयबाट गार्ड बोलाएर निकालिएको छ। म नेपाली नारीहरूको अस्मिता लुट्न पल्केका र कमीसनकै कारण भारतीय नागरिक सुन्दरसिंहलाई सघाउने गरेका विराज श्रेष्ठलाई सेक्सुअल हर्यासमेन्ट, मानसिक प्रताडना र हातपात गरेका सिंह र उनका मतियारलाई तत्काल पक्राउ गरी कानूनअनुसार कारबाहीको माग गर्दछु
savar sanghu saptahik
